Barnaamijka Taariikhda
Ayeeyo CULUS CAAMIR waa mid kamida labada Hablood ee 8 WiiL ilma Caamir la dhashay , way adag tahay in taariikh rasmiya laga soo gudbiyo xubnaha qaar oo waqtigaa aanay jirin cid wax qorta ama akhrida , waqti fog na laga joogo , hadana intii aynu awoodno .
CULUS waxay u dhaxday beesha Madigaana , waxa guursaday Aw Axmed oo waxay Aw Ibraahim Aw Axmed iyo Faadumo .
Aw Ibrahim waxa uu guursaday Inaabtidii Shaqlan Colow Caamir , waxana ay la daganayeen beesha , waxay u dhashay Maxamuud iyo Sagax , Ilaa maantana tafiirtii qayb kamid ahi waxay daggan yihiin Ayardaga sida Axmed Maxamuud Aw Ibrahim(Hindhido) .
Walaalkii Sagax oo hada Sweden Joogo oo Soomaaliya ka shaqayn jiray Baananka , waa ninka leh Guryaha Sakada Ceel bardaale ee Gabiley dhinaca Galbeed ka xigta .
Waxa taariikhda lagu hayaa in hablaha la siin jiray Booto ama meel ay dagto , sidoo kale la dhaqaalayn jiray lagana war hayn jiray , waxaanad ka garataa ilaa waqtigaa in tafiir tii Haweenku qayb kamidi reerka la dagan yihiin sida Axmed Maxamuud aw Ibraahim (Hindhiso) oo Culus Ayeey u ahayd , iyo sidoo kale QAASIM aw Muxumed oo Xaawa ayeey u ahayd oo reerka Beero ku leh , waxa muhiima in la xidhiidhiyo tafiirteena , inkastoo intan dambe xidhiidhkaasi aad u hooseeyo